Pakistan and Saudi Arabia

پاکستان اور سعودی تعلقات 

ہمارے خانصاحب ہر دوسرے تیسرے دن ان صاحب کو فون کر کے مسئلۂ کشمیر پر بریف کرتے ہیں، لیکن یہ حضرت مجال ہے جو کبھی توجہ کریں۔ گویا کان پر جوں تک نہیں رینگتی، شاید ولایتی قسم کا کوئی اینٹی لائس استعمال کرتے ہیں، پس جب جوں ہی نہیں تو رینگے گا کون؟

وہ کہتے ہیں نا "زمین جنبد، نہ جنبد گل محمد“۔
پاکستانی میڈیا اس تاک میں ہے کہ موصوف خفیف سا بھی اشارہ کشمیر پر فرما دیں تو رائی کا پہاڑ بنا دیں لیکن موصوف اتنے ڈھیٹ ہیں کہ میڈیا کو ہمیشہ مایوس کر دیتے ہیں، اور میڈیا بس ایک خبر چلانے پر مجبور ہو جاتی ہے کہ وزیر اعظم نے شہزادے کو فون کیا تھا (لیکن واقعی یہ شہزادے نکلتے ہیں)۔

یہ تو چلیں ہیں ہی ڈھیٹ، لیکن ہم بھی کچھ کم ڈھیٹ نہیں۔